Wednesday, 6 December 2017

என் முதல் கனவு





                    கனவொன்று இல்லையெனில்
                    முன்னோக்கி நகராது
                    யாருடைய வாழ்க்கையும்

                    வானத்து நட்சத்திரங்களை
                    வலைபோட்டுப் பிடித்துவந்து
                    என்
                    அறைக்குள் கொட்டுகின்றன
                    கனவுகள்

                    விடிந்த பின்தானே தெரிகிறது
                    அறைமுழுவதும்
                    குப்பைக் கூளங்களும்
                    கொடும் நாற்றங்களும்

                    நிறைவேறாமலே போய்விட்டன
                    என் முதல் கனவின் வரிசையில்
                    எல்லாக் கனவுகளும்

                    இருப்பினும்
                    கனவுப் பரணில் இருந்து
                    கலைத்துப் போட்டுத் தேடிக்
                    கண்டுபிடித்தேன்
                    முதல்கனவை


                       “மரத்தடிப் பிள்ளையாரிடம்
                     மனமுருகி வேண்டி நிற்கிறேன்
                     ஞானப்பழம் தாவென்று”


                    -கோ. மன்றவாணன்


No comments:

Post a Comment