தூரத்து உறவுகள்

வெகுதூரத்தில் இருந்தாலும்

ஒவ்வோர் இரவிலும் கதைசொல்லி

என்னை உறங்க வைக்கிறது நிலா

ஆற்றோர நந்தவனத்தில் இருந்தபடி

மலர்கள் எனக்குப் பரிசனுப்புகின்றன

மணத்தை

நிலத்தின் மறுமுனையில் இருந்தாலும்

நித்தமும் வருகிறது

தோழியின் அழைப்பொலி

சிம்லாவில் விளைந்த ஆப்பிள்

என்வீட்டு

ஊண்மேடையில்

உலகின் எல்லா பாகங்களில் இருந்தும்

வந்து குவிகின்றன நட்பஞ்சல்கள்

என்வீட்டுக் கணினியில்

தூரங்கள்

பிரித்துவிடாது

உறவுகளை...

-கோ. மன்றவாணன்