சிரிப்பு

சிரிக்கும் தருணங்களில்

ஓடி ஒளிந்துகொள்கிறது

எந்த நோயின் வலியும்

அழகின் உச்சத்தைக் காணலாம்

காந்தியின் சிரிப்பிலும்

மோனலிசா புன்னகையிலும்

இளம்பெண்ணின் கண்ணும் சிரிக்கும்

இதயத்தில் காதல் மலர்ந்தால்

யார் சொன்னார்

மனிதருக்கு மட்டுமே சிரிப்புச் சொந்தமென்று

கொடியின் சிரிப்புதானே பூக்கள்

நம்

வெள்ளைச் சிரிப்பையும்

கொள்ளையடித்துவிட்டார்களே

அதிகாரப் படையெடுத்துவந்து

கோ. மன்றவாணன்