மழைமேகம்

காற்றை வருடிக்கொடுக்கிறது

விசிறியாய் விரிந்த

மயில்தோகை 

வாடும் பயிர்களின் வேண்டுதல்கள்

கேட்டிருக்குமோ

கூடி முடிவெடுக்கிறது முகில்கூட்டம் 

தெருக்கள் தாண்டிய பின்னே

திடீரென ஞாபகப்பூவுக்குள் விரிகிறது

வீட்டுக்குள் இருக்கும் குடை 

முகில் உருகிவந்து அணைத்துக்கொள்ளும்

தகவலை

நெல்வயலுக்கு

முன்கூட்டியே சொல்லிச் செல்கிறது குளிர்காற்று 

கூடு நோக்கிப் பறக்கிறது

குருவிக் கூட்டம் 

எவ்வளவு மழை பெய்தாலும்

நனைவதில்லை

மேகம்.

-கோ. மன்றவாணன்