சோர்வைச் சுண்டியெறிந்து
புதிய ஓட்டப் பாதையில்
புதுவேகத்தோடு சுழன்றோடுகிறது
பூமிச் சக்கரமும்
செல்பேசியின்
சிறகுகளில் ஏறிப் பயணிக்கின்றன
ஆறு கண்டங்களும்
நேற்றைய சாதனையைத் தாண்டி
நாளைய புகழைத் தொடுகிறது
புதிய ஓட்டம்
வழக்கமான
வட்டப் பாதையை விட்டகன்று ஓடுகிறது
காலம்
அடுத்தவர் போட்ட பாதையில் செல்வது
கிமு நோக்கிய பயணம் நிகர்த்தது
எனப் பழிக்கிறது ரோபோ கிளி
உச்சி சூரியன் சொல்லட்டும்
உன் புதிய ஓட்டத்தில்
உனக்கு முன்னே சுவடேதும் இல்லையென!
-கோ. மன்றவாணன்
No comments:
Post a Comment