தண்ணீருக்கு இரத்தம்
மூன்று பக்கமும் பெருங்கடல்
நாட்டுக்குள்
தண்ணீர்ப் பஞ்சம்
கான்கிரீட் கட்டடங்களுக்குள்
புதைக்கப்பட்டன
ஆறுகள்
பணம்படைத்தவர்கள் வாங்கும்
தங்கமாகிவிட்டது
தண்ணீர்
தாக மிகுதியால்
உயிர்துடிக்க விக்குகிறாள்
நிலமெனும் நல்லாள்
தமிழ்காணத் துள்ளிவந்த காவேரி
ஆயுள் சிறைவைக்கப்பட்டாள்
கருநாடகத்துக்குள்ளே
தஞ்சை பாலைவனத்தில்
நாளை ஒட்டகங்கள் சாகும்
தண்ணீர் இன்றி
தண்ணீருக்குச் சண்டை
உற்பத்தி ஆகிறது
ரத்தநதி
வேற்றுமை வண்ணங்களில்
ஒற்றுமை ஆடையுடுத்தி மிளிர்கிறாள்
இந்தியத்தாய்
தாய்மானம் காக்கும்
பிள்ளைகள்
நாம்
பகிர்ந்து பாருங்கள்
மேகம் திரண்டுவந்து பாடும்
மழைவாழ்த்து
- கோ. மன்றவாணன்
No comments:
Post a Comment