சேர்த்து வைத்த கனவு

                      செல்வ நிதியை

                      சேர்த்து வைக்க வழியேது

                      குடிசையில் பிறந்த அவளுக்கு

                      தனியார் பள்ளியில் இடமேது

                      சுமைதூக்கும் தந்தையின்

                      மகளுக்கு

                      ஆசை அவளுக்கில்லை

                      புத்தாடை அணியவோ

                      பூச்சூடிப் புன்னகைக்கவோ

                      பொன்னகையில் மின்னவோ...

                      கல்வி ஒன்றுதான்

                      நிலவைத் தொட

                      அவளுக்குக் கிடைத்த நூலேணி

                      அப்துல்கலாம் சொல்கேட்டுத்

                      தூங்கவிடாக் கனவொன்றைக்

                      நட்டு வளர்த்தாள்

                        1176  / 1200

                      உயர்மதிப்பெண் பெற்றாள்

                      ஏழைக் கலைமகள்

                      கழுத்தில் ஸ்டெதஸ்கோப்

                      தவழ்ந்தாடி இருக்கும்

                      கடந்த ஆண்டாக இருந்திருந்தால்

                      கழுத்தில் தூக்குக்

                      கயிறு இறுகியதே

                      நீட் ஆண்டாக இது இருந்ததால்

                      சக்கரங்களில் நசுங்கியது

                      தூக்கி வெளியில் கிடாசிய

                      காமராசர்

                      சேர்த்து வைத்த கனவு

                      -கோ. மன்றவாணன்